Mae Ailddeffro yn elusen iechyd meddwl pobl ifanc sy’n cefnogi’r rhai 16-25 oed. Rydym wedi ymgartrefi yn y Drenewydd ac yn cefnogi pobl sy’n byw ar draws Canolbarth Cymru a’r ffiniau Swydd Amwythig, gan gynnig sesiynau o bell os bydd cludiant yn rhwystr.

Sefydlwyd Ailddeffro ym 1997 gan grŵp o bobl oedd i gyd wedi profi problemau iechyd meddwl o fewn ei teuluoedd ei hunain.
Ysgrifennwyd ein gweledigaeth, cenhadaeth a gwerthoedd i gyd mewn cydweithrediad â’n cleientiaid:

• Gweledigaeth: I sicrhau bod pob person ifanc yn cael mynediad parod at gymorth iechyd meddwl da.

• Cenhadaeth: I gael effaith positif ar iechyd meddwl pobl ifanc 16-25 oed, i adeiladu hyder a’i alluogi byw bywydau iach. Yn 2002, sefydlodd Ailddeffro’r prosiect peilot Camau Bach, a arianwyd gan Comic Relief, gyda’r nod penodol o gefnogi pobl ifanc 16-25 oed. Cydnabuwyd y demograffig hwn fel un dan beryg arbennig o hunanladdiad ac anawsterau eraill ynglŷn ag iechyd meddwl.

Er gwaethaf yr heriau a wynebwyd gan y pandemig Covid, dyfalbarhaodd yr elusen ar ei chenhadaeth. Yn 2022/2023, camodd nifer o’n hymddiriedolwyr hirarhosol i lawr ac ymunodd aelodau newydd â’r Bwrdd Ymddiriedolwyr. Yn ystod y cyfnod pontio hwn, apwyntiwyd Rheolwr Darparu Gwasanaeth gan y Bwrdd i oruchwylio gweithredoedd, ehangu gwasanaethau, a datblygu strategaeth ar gyfer y dyfodol.